مجموعة محرر

 

ودي اسولف حتى لو أسولف على نفسي المهم اني ماراح أنسى نفسي كثير من الناس تمشي وتمشي

ويومها يعدي من دون ماتدري والله مشكلة بعض الناس مشكلة أن دورت علية صرت مبلشة

وأن نسيتة وخليتها أزعجك ودعاك لبيتة وأن دعيتة أنت قال الحين بينت يعني وين متخفي والا ودك أني

متوفي. أستغفر الله العظيم وش فيها الناس ماتستقيم. يعني معقولة بنظرهم لئيم .والا أنا فاهم فهيم .يحطوا النقص

فيك . ولاحتى يمديك

تدافع عن نفسك وتقول هذا اللي يصير مو معقول

المهم ماعلينا أن رحنا والا جينا

مايصح الا الصحيح

والحق  مو مع اللي يصيح. كم شخص أدعى الحق وهو مايسوى بق كذاب وماعمرة قال الصحيح

أنا بدري وش فية صاحب الرزة مرتز وشايف حالة على أيش لايكون مفتخر بعد بضلالة

الله يرحم حالة الناس عندي كلهم سوى لو معة فياقرا والا مازدا مافيها هوى . أنتبة لاتنكسر رقبتك

وخشمك لايطير بالهوى من كثر ماترفعة صار مثل الذيب لاعوى

يازين الناس المتواضعة ياحبيلهم ماودك توادعة .ودك يصيرون جيرانك  والله ان تنسى أخوانك

المهم نفسي أسولف واقول كل يغني على ليلاة وأنا ليلتي براقة مع حبي وأشواقة  ومادام معاي القمر

وش لي بالنجوم وحتى لو تطلع الشمس وش لي بها مدام القمر معي أن شالله على طول

نسيت نفسي وكثرت الهرج والبوم الصور عندي في الدرج عن أذنكم بطالع فيهم مشتاق  قبل لايخمد الشوق

فيني